Bujar Muzaqi

Bujar Muzaqi nga janari i vitit 2019 është gjyqtar i Departamentit të Përgjithshëm- Divizioni Civil të Gjykatës së Apelit. Gjyqtari Muzaqi, ka diplomuar në vitin 2005 në Fakultetin Juridik të Universitetit të Prishtinës. Përfundoi provimin e jurisprudencës në vitin 2010. Me bursën studimore të siguruar nga ana e Ambasadës së Shteteve të Bashkuara të Amerikës, në bashkëpunim me Këshillin Gjyqësor të Kosovës, në vitin 2015 mbaroi studimet postdiplomike - Master i Drejtësisë në të drejtën Amerikane – Drejtimi Civil, në Universitetin Wake Forest University, Winston Salem - Karolina e Veriut, SHBA. Nga viti 2005 e deri në vitin 2006 punoi avokat praktikant në avokaturen Avni Q.Vula, ndërsa, nga viti 2006 e deri në vitin 2010, ka qenë i angazhuar si bashkëpunëtor profesional në avokaturën Avni Q.Vula. Ndërsa, nga viti 2010 e deri në vitin 2012 punoi dhe mori licencën e avokatit me seli në Prishtinë. Në muajin qershor të vitit 2012 është emëruar gjyqtar në ish Gjykatën Komunale në Podujevë, ku dhe punoi deri në muajin dhjetor të vitit 2012. Nga muaji janar i vitit 2013 e deri në muajin dhjetor të vitit 2018, punoi gjyqtar në Departamentin e Përgjithshëm-Divizioni Civil të Gjykatës Themelore në Prishtinë – Dega në Podujevë. Përpos gjuhës amtare (shqip) flet edhe gjuhen serbe dhe angleze.