Vendimet e Gjykatës së Apelit

Gjykata e Apelit e Kosovës vepron si gjykatë e shkallës së dytë, që do të thotë se i gjykon lëndët e pranuara pas ankesës nga ndonjëra prej shtatë gjykatave themelore.

Përveç kësaj, kjo gjykatë vendos lidhur me konfliktin e kompetencës midis gjykatave themelore dhe çështje tjera të përcaktuara me ligj.

Aktgjykimet e Gjykatës së Apelit

Me aktgjykim, Gjykata e Apelit vendos:

  • Të refuzojë ankesën si të pathemeltë dhe ta vërtetojë aktgjykimin e goditur;
  • Të ndryshojë aktgjykimin e shkallës së parë (neni 195);

Aktvendimet e Gjykatës së Apelit

Me aktvendim, Gjykata e Apelit vendos:

  • Të prishë aktgjykimin e goditur dhe të hedhë poshtë padinë;
  • Të hedhë poshtë ankesën si të vonuar , jo të plotë apo të palejueshme;
  • Të prishë aktgjykimin e goditur dhe të kthejë çështjen në rigjykim në Gjykatën Themelore (neni 195).

Ankesat ndaj vendimeve të Gjykatës së Apelit

Vendimet e Gjykatës së Apelit janë të formës së prerë dhe ndaj tyre nuk lejohet ankesa, por lejohen mjetet e jashtëzakonshme të cilat mund të paraqiten në Gjykatën Supreme të Kosovës.

Paraqitja e mjetit të jashtëzakonshëm të goditjes nuk paraqet pengesë për përmbarimin e vendimit të formës së prerë.

 

Procedura sipas mjeteve të jashtëzakonshme juridike

Mjetet e jashtëzakonshme juridike janë:

  • Revizioni;
  • Propozimi për përsëritjen e procedurës;
  • Kërkesa për mbrojtjen e ligjshmërisë.