Një kolegj penal i  Departamentit të Krimeve të Rënda i Gjykatës së Apelit,  ia  ka vërtetuar masën e paraqitjes në stacion policor prej 1 muaji, të pandehurës N.H., e cila po dyshohet nga ana e Prokurorisë Themelore në Prishtinë, për veprën penale: Keqpërdorim i pozitës apo autoritetit zyrtar nga neni 422 paragrafi1, të Kodit Penal të Kosovës.

Po ashtu i njëjti kolegj, ka lënë në fuqi masën e arrestit shtëpiak prej 1 muaji, edhe ndaj të pandehurës tjetër të këtij rasti,  J.H..

Gjykata e Apelit, ka vlerësuar kështu si të drejta, vendimet e Gjykatës Themelore në Prishtinë, përkitazi me këto masa, të datave 16.06.2015 dhe 18.06.2015, duke i refuzuar si të pabazuara ankesat e ushtruara kundër këtyre, nga ana e prokurorisë dhe e mbrojtjes se të dyshuarave.

Kjo gjykatë gjeti se nuk ekzistojnë rrethana, të cilat do të kishin ndikuar në shqiptimin e  masave më të ashpra, ashtu siç ka pretenduar prokuroria në ankesën e saj.

Nga ana tjetër, janë vlerësuar edhe pretendimet e mbrojtësve, dhe është arritur në konkludimi se nuk ka vend që të pandehurave, t’u hiqen masat e sigurisë.