Gjykata e Apelit e Kosovës, gjatë vitit 2022 ka arritur efikasitet prej 91.5 %, duke përfunduar gjithsej 17,363 lëndë. Puna në vitin 2022 në këtë gjykatë, filloi me 15,064 lëndë të trashëguara nga viti paraprak, e po ashtu gjatë tërë vitit janë pranuar 18,973 lëndë të reja, kësisoj kanë mbetur për tu zgjidhur, përkatësisht në vitin 2023 janë bartur, 15,382 lëndë.

Publikimi i raporteve të tilla, ofron një pasqyrë të përgjithshme të punës së gjykatës, të lëndëve të pranuara dhe të zgjidhura respektivisht efikasitetit të gjykatës. Gjithashtu ky raportim ka për qëllim rritjen e transparencës për publikun dhe llogaridhënien, si dhe kthimin e besueshmërisë të qytetarëve në sistemin gjyqësor.

Për më shumë shikoni raportet statistikore të bashkëngjitura.